海洋公園

09年既第一日去左海洋公園玩！好玩呀，可能係我太耐無去啦。我地一行五人首先去左睇冰上表演，我第一次睇呢d show，好好睇呀，我覺得已經值回票價。之後我地就去玻璃屋同聖誕老人影相，原來我係盲既，係玻璃屋度撞來撞去都找唔到出口。係山上機動城，我地玩左瘋狂過山車、觀光塔、滑浪飛船。我已經唔敢再玩跳樓機，我開始畏高... ... 連坐纜車都驚!

係兒童王國再玩摩天輪、旋轉木馬，最開心係睇d小朋友玩兒童跳樓機，嘩，佢地叫到癲左~我地仲睇左水母、海獅、大熊貓and荒失失，過左好玩既一日。