今個星期有小朋友無出席呀，我擔心佢地以為係放假唔洗返，咁好難補堂架喎。趁空堂出左元朗行個新年大運，元朗大會堂、聿修堂、Yuen Long Stadium，以前名就聽得好多啦，今次都係第一次去。最後入左Yuen Long Theatre，原來好新好靚喎。我睇緊介紹既時候，有一個女職員走埋黎問我可唔可以阻我一陣做個訪問。梗係得啦，我地呢d好市民黎架嗎，一定支持本地藝術發展啦。不過佢問d問題我都唔係好知點答，咁我剛剛行入黎又好難對你地d節目有咩意見既，於是我問返佢你地搞開d咩節目架，又問下你地個Theatre咁新係咪開左無幾奈呢，仲有真係未聽過『屯元之友』喎。唔知道份問卷對佢地有無用，但我對呢個Theatre肯定認識多左，有機會係度聽場Concert睇個Drama都唔錯 (P.S. 原來仲有紀念品添~) 。玩完之後，就趕返去繼續上堂。有個小朋友媽咪派利是俾我呀，好意外。今堂我講左一個Olivia既故事俾小朋友聽，佢地出奇地留心。而且我注意到佢地既面部表情，主角喊既時候，佢地個樣都想喊﹔講到月黑風高既夜晚聽到恐怖聲音，佢地個樣真係好驚呀！依我係咪講得太肉緊呢，d小朋友今晚發惡夢咪弊，實俾家長投訴啦。不過小朋友咁鐘意個故仔我好開心，講完之後仲話想聽多次添。今晚我地一家人出去食飯、購物，跟住再返屋企睇碟，媽咪話佢好似睇過又好似未睇過，但隻碟我肯定我已經睇過三次 ... ... 不如睇第二隻啦 ... ...
