調整

我渴望調整一下生活，於是千方百計要轉工。剛上班三天，就有一點失望。工作環境並沒有想像中的好，只有一個小小的位置，安放我這個小角色。而且四野一遍開揚境致，完全沒有私隱可言！公司架構非一般的複雜，中女泛濫，工作模式我也正在熟習，我的確擔心... ...

Anyway，調整必然有代價。最近也發生了很多事，我也很忙碌，真的想停一停、諗一諗。轉工啦，表演啦，上大陸食飯啦，室樂團面試啦，返新工啦，申請呢樣果樣啦，食生日飯啦... ... 下星期仲要... ... ><

每當變幻時

2007年9月21日，我在Sick Co的Last Day!
我每日都希望發生的事，到最後我都會唔捨得。
原來係呢到有好多回憶，開心既唔開心既，不境係我做得最長既一份工，將我從學生Format成一個打工仔。Resign左之後，我留意到好多同事都唔捨得我，由其是上一輩既，令我覺得好意外。我好多謝你地曾經教左我咁多野，你地對我既信任，係我覺得最有價值的地方。更加意外既係有vendor知到我resign之後送左隻Hello Kitty俾我，叫我開心d，我好感動呀，因為我知道你地關心我，我同你地之間唔係單純的商務往來，而係多左d野，係friendship ^^

懷緬過去 常陶醉 一半樂事 一半令人流淚
夢如人生 快樂永記取 悲苦深刻藏骨髓

韶華去 四季暗中追隨 逝去了的都已逝去
啊......常見明月掛天邊 每當變幻時 便知時光去

懷緬過去常陶醉 想到舊事 歡笑面常流淚
夢如人生 試問誰能料 石頭他朝成翡翠

如情侶 你我有心追隨 遇到半點風雨便思退
啊......常見紅日照東方 每當見夕陽 便知時光去

共你相識在童年

今日我同J 慶祝我地相識二十週年，嘩！你估下人生可以有幾多個二十週年呢可......

也許當時年紀小，我地都唔係好記得exactly邊日相識，於是roughly 定左九月一日做相識紀念日。根據J 的描述，當年我地用既筆盒款式係同一樣既，於是我地係命運既安排下順理成章地做左朋友。果年開學，老師派畫紙叫小朋友自己畫自由畫。我畫左一間屋，佢畫左一隻小白兔，J 話我既志願咁多年都無變... ...

曾經因為一舊擦膠反晒面
又一齊走過睇漫畫、抽閃咭既歲月
細個經常去佢屋企食飯睇碟
可以分享好多野，又做埋好多無謂野
可以容忍我既大小姐脾氣，亦都可以激死我

今日我地去左睇戲、食buffet慶祝，好開心，仲係商場裡面撞到黎諾懿！希望將來我地仲有N 咁多個週年可以慶祝！