大地震

公司發生大地震，九月尾炒左一堆人。當中有人被炒，有人被迫離職，有人自己走，又有人被transfer到其他office，我地同新力合作既OD仲成個office摺左。地震既起因係今年第三季公司無左兩個大project，收入大幅減少，而d老闆又唔爭氣大半年都傾唔到大生意，唉。我都好慘，公司要reconstruct，我轉左去另一team，跟新project，由零開始。

My First Cello Class

因為覺得自己已經二十有幾，再可以學新野既機會唔多，趁依架有d空間，就膽粗粗去學Cello。第一堂，我就遲到... ... 由於係group class，所以又有Violin又有Cello，大家各有各拉，好嘈。教我既人，居然同我講你用自己既方法整響個琴啦，跟著就行開左！就係咁，我... ...就用自己既方法整響個琴。跟著隔離個小妹妹(佢只係上多我一堂)就教我咩係down bow、咩係up bow，同點拉空弦。拉琴原來都幾辛苦架，右手要識用力拉，左手指頭咁住條弦又痛。

九月，食呀食

六號，樂團有人結婚，在百樂門設宴。

九號，有個BB生日，食聯邦火窩。

中秋節晚去左食明將，好好味呀，有海鮮窩、天婦羅、手卷、壽司。

中秋節翌日晚，去左九龍城食東榮，因為劉大小姐快將出閣，有幸淺嚐藥膳、招牌炸腐皮。

星期六阿細生日，我地去左食和亭，好豐富架，有招牌拉麵、燒雞肉串、大蝦卷、牛肉卷。

二十一號，去左東薈城shopping，食惹味燒帶子飯加南洋三色紅豆冰，好好味呀。

三十號，將會是FTU富臨慶功宴。