魔幻王國：獅子‧女巫‧魔衣櫥

新年假期真係好啦，做下d無聊野又過左幾日。我地食下飯啦、煲下碟啦、拜下年啦、食下年糕&湯圓啦、整下草餅啦，簡簡單單又過左幾日。尋日去左唱K，今日應阿細同朋友仔要求去左睇戲。戲院好多人，場場都爆。我地買好飛睇《The Chronicles of Narnia: The Lion, The Witch and The Wardrobe》，但只買到第一行既位。套戲都幾好睇，雖然我本身唔係咁有意欲入場。戲入面我鐘意小妹妹露茜好可愛又聰明，仲有用北極熊拉戰車呢個idea唔錯。d場景ok靚，故仔入面好似有好多宗教意象，我諗我可能miss左一d野，唔知代表咩。但作為一個童話，佢講既故仔都幾有趣。之後我得到一隻解讀光碟 ... ... um真係有心啦 ... ... 咁其實人係咪一定要take sides 架呢﹖除左獅子、女巫，係咪就無其他可以揀既呢﹖

Mona Lisa

Mona Lisa, Mona Lisa Men have named you
You're so like the lady with the mystic smile
Is it only cause you're lonely They have blamed you?
For that Mona Lisa strangeness in your smile?

Do you smile to tempt a lover, Mona Lisa?
Or is this your way to hide a broken heart?
Many dreams have been brought to your doorstep
They just lie there, and they die there
Are you warm, are you real, Mona Lisa?
Or just a cold and lonely, lovely work of art?

Mona Lisa, Mona Lisa

春田花花同學會

今日我地一行五人去左睇《Mcdull The Alumni》呀！其中三個都係小朋友，年齡分別係七歲、十一歲同十二歲。時間過得真係快，我記得以前見佢地，仲係BB黎架，轉眼間就話要升中學啦。今日入場既仲有好多小朋友同佢地既爸爸媽媽，坐係我後面果個小朋友，一聽到"我們是快樂的好兒童"就跟住唱，仲唱得好好添。

套戲幾好睇，無上一套咁慘，反而多左人笑(係不停咁笑)。如果你睇得明，個人又夠感性，或者有d位都喊得出既。有幾個片段印象比較深刻，其中一個係Miss Chan教小朋友點樣做社會棟樑，哦原來呢d職業先算係社會棟樑。仲有方力申做救生員對住個無人既海呼籲游客要留意既事項，唔知點解我覺得好似我。當果班畢業生由學校衝去中環，真係好得人驚，二千幾位，到底係咪個個都有位架﹖其實讀完BBBQ，做唔到"畢"飯甚至斬雞，都係好正常。斬雞呢d小事都要請畢業生，仲要用埋manual好似好諷刺，但係現實就係咁。仲有都市病"壞腦"真係一絕！之於"Point"或者"Tniop"真係笑到跌左落地。

下晝同屋企人逛超市入貨，但超市入面水洩不通，有d貨品仲被搶購一空添，睇黎香港人都係歡喜最後衝刺。

試音

星期一放工後陪朋友仔上studio試音，我覺得佢有d緊張，但無論結果係點都係好好既經驗，唔係人人都有咁既機會架，加油啊~。我坐係lounge度等，聞到陣陣咖啡香，成個人都覺得好舒服。佢出黎既時候個樣勁興奮，希望你得啦！我都好開心得到意外收穫，我打緊呢篇日記既時候，都聽緊架，yeah！

試音完畢，我地去左食d野。朋友仔忽然問我，識左佢咁耐，知唔知道佢既興趣係咩，最鍾意做咩，只可以揀一樣。嘩，好難答呀，點解只可以揀一樣喎。識左你咁多年，我諗係某種意義層面黎講，我好了解你、對你認識好深。不過回想起以往既歲月，原來大家走既路都好唔同。多謝你今晚提醒我，做朋友除左用個心之外，仲要俾多d心出黎！

我病

星期四放工後同朋友仔唱K，約凌晨時分離開，盡興。翌日早上，洗頭後弄乾耳仔之時，發現耳仔有些微血絲，Oh！食完飯，唔開心，我去左睇醫生。等既過程，我諗左好多野 ... ...

終於見到醫生，醫生話係耳仔發炎，開左d藥水俾我，仲千叮萬囑我唔好再整濕耳仔。原來真係有事，Receipt上面寫住 OTITIS EXTERNA，唉 ... ...。

藝伎回憶錄

《Memoirs of a Geisha》還可以啦，成套戲既舖排、敘述手法、悲情位、以至選用既語言，都擺明係俾鬼老睇既。由其是述說東方女性既神祕、悲情形象，加埋d五行天命(日本都有架咩﹖)，我覺得有小小反感。又要講，又無咩point。結局同開頭"... story should not be told ..."好似唔係好承接到。不過我鍾意小千代同楊紫瓊既演出，做得好好。其他角色呢，佢地ｄ英文講得好難聽，所以我唔係好投入到 ... ...

呢期既最後一堂，我同小朋友做評估，佢地表現都幾好。有ｄ小朋友話唔會再上啦，我有ｄ唔捨得佢地，不過我明白上唔上係有好多因素既，well！ (希望仲有得做啦。) 有家長提出教材既問題，我都知道會有人問架啦。最抵死係上完晒堂，有個家長話下期上堂時間唔得，仲問我會唔會私人教添。我呆左，唔係啦化！呢個家長平時最鍾意挑戰我，估唔到今日會咁樣問我。其實花心機做呢d野，背後動機如果純為錢，唔係好划算架詐。而且課堂既教學經驗係好寶貴、令你明白好多野同得到好大滿足感，我諗佢pay我幾多都俾唔到呢ｄ滿足感我。

一般兒童語言發展

嬰兒到達六個月時，會轉頭望向聲音來源，並發出各種無意義聲音，如笑聲、尖叫聲等，但未能完全掌握發聲方法，因此聲量時大時小。

孩子一歲時，對自己名字或生活中常遇到的情況會有特別的反應；在表達上，他們會模仿別人說話，發出類似說話的聲音，亦可能有意義地叫爸爸、媽媽，他們能跟從簡單的指示，做出相關的動作；在表達上，他們的詞彙不斷增加，近兩歲時，約有50至80個詞彙。他們的說話大多是單字，在遊戲中會發出一連串類似句子的聲音，開始在簡單對話中表現出輸流概念。

兩至三歲的孩子能跟從較複雜的指示，明白、發出甚至回答『咩野﹖』、『邊個﹖』、『邊度﹖』等問題，能正確說出自己的名字及運用二至三個詞語組成短句。

三歲是語言發展高峰期

三至四歲是孩子語言發展的高峰期，兒童語言能力的差異更顯而易見，一般孩子能明白抽象性的概念 (如顏色、方位、數量、分類等) ，亦能理解一些簡單的因果關係；表達方面，他們能運用較複雜的句子 (包括使用連接詞) ，能回答一些『幾多﹖』、『點解﹖』、『點樣﹖』的問題，亦能描述現在發生的事情。

四至五歲的孩子語句發展漸趨成熟，能運用較完整的句子，能應對日常的對話，能敘述過去的事情；認知上，他們明白比較複雜的概念 (如時間：遠/近、左/右等，說出事物的關係：相關、順序、因果、對比) ，亦能運用語言作思考，回答一些假設性的問題 (如『如果』)。

五至六歲的孩子能應對較複雜的對話情境，語句運用亦接近成人，他們能運用語言作邏輯推理，分享生活經驗及將事情與過往經驗聯繫。

—————摘自零六年一月某免費刊物(已無可考)

中同聚會

尋晚中同聚會，去左ir1968用膳，環境唔錯，食物方面就 ... ... 唔洗點提啦，因為我只係不停咁食、飲水，同埋想流鼻水。諗諗下我同Liza、平姐已經有n年無見無gather啦 (given that n is greater than or equal to 5)，第一眼既感覺係大家都有d改變，幾好呀大家都有進步。席間得知其他中同既消息，睇黎我地母校都算地靈人傑。

下午上最後一堂既時候，有個小寶寶扭計唔肯上堂，仲喊晒添，好彩有其他staff幫我"罷平"左。不竟自己係control課堂方面仲有好多野要學，黎緊既class仲要改下syllabus同準備material，吸收左家長意見，再改良下，幾好丫。其實見到家長有feedback，係好開心架，因為佢地唔係同仔女黎玩玩下，而係真係想黎學野！教學相長，其實我都學左好多野！

再談《情》

呢部戲結局太沉重令我有d思考，好等我記低佢先 ... ...
點解我覺得係港版既小王子！﹖

1) 小王子特質
輕度弱智既Leon智商等同七歲小孩，內心純真可愛，佢口中純真片語其實係成年人忘記左諗唔通既野，actually充滿智慧。

2) 小王子巧遇墜機機長
輕度弱智既Leon放棄左家，黎到陌生地，遇上流落異鄉既阿澤。阿澤正被黑幫追債，走投無路，同Leon講︰「我想返屋企！」Leon搭會帶佢返屋企。

3) 小王子穿梭恆星的見聞
Leon答應做鴨，見盡光怪陸離的人物，係咪point out左d人性weakness，自己睇啦。

4) 小王子對機長的啟迪
Leon既純真感動到阿澤，令阿澤知到錢買唔到愛，仲成為好兄弟 ... ...

5) 小王子的離開
估唔到結局係咁，到底是好是壞？對小王子黎講或者係好事，呢個瘋狂既世界唔應該係小王子既終點。於是Leon選擇攬阿澤，小王子選擇被蛇咬。

6) 小王子的來歷
小王子的來歷係一個迷，Leon都係。阿澤尋遍十一間小學都無Leon既記錄 … …

Other views quote from internet:
1) 令一個重點是部戲節奏! 應快時快, 應慢時慢, 例如有幾幕用芭蕾舞過場, 是節奏慢, 但也反映弱智人士看世界是美好或是理想主義! 但一回來現實就變得節奏快, 最後個幕是在最高潮一下子變化 ... 好像交響樂 ... 人生如戲也像交響樂, 天鵝湖還有部戲是以交響樂背景, 主宰部戲節奏!

2) 俊一路以為自己跳緊既係醜小鴨, 其實係天鵝湖 .... 套戲一開始覺得係講俊既故事, 但係到最後其實係講澤既故事 ...

3) 醜小鴨和天鵝湖的主題不斷穿插, 單看海報只覺得無厘頭, 原來都有意思還有洗澡玩具鴨, 黎明("離開")那個湖等等等等 特別喜歡黎明跟隨紙巾去到舞台那一幕, 大量的前後呼應, 令整個故事很穩固 ...

情義我心知．一號銀海．覆雨翻雲

.
為左証明自己係放緊假，所以今日出左去走動下。

節目一︰睇戲 (Moonlight In Tokyo)


已經聽人講過話好睇架啦，入場後發覺比想像中更好睇。係一個好感人既故仔，入場頭兩三分鐘有d無expect過既簡單舞台戲劇效果令人好驚喜。個故仔幾好，好多元素係裡面(天鵝湖?)，又有d Message係入面而且笑位充足。

只係我覺得LEON把聲唔夠說服力，唔似輕度弱智囉，同埋佢有時講d野好深呀！﹖仲有係估唔到結局係大家以為最開心Happy Ending既時間黎個反高潮 (唔係喜劇黎架咩！﹖) ... ... 所以走既時候有d心up。

總括而言，我覺得係港版既小王子，係正架！

節目二︰睇樓

填飽肚之後去左睇一號銀海既示範單位，嘩好豪呀，個衣帽間有三分一間小型L Room咁大，加埋d閃閃生輝既裝潢，嘩我可唔可以係到住一晚呀！﹖

節目三︰睇小生、花旦

巧遇劇集《覆雨翻雲》宣傳活動，見到古裝造型既林峰、黃宗澤、佘詩曼、陳敏芝、麥包、陳國邦、同一眾甘草。